Azərbaycan çempionu "Neftçi"nin bu yay yollarını ayırdığı Yasin Hima özünə yeni klub tapıb. Apasport.az saytının xəbərinə görə, "ağ-qaralar"ın sabiq əlcəzairli yarımmüdafiəçisi ölkəsinə qayıtmağa üstünlük verib. Belə ki, o, "ES Setif" klubu ilə anlaşıb. Tərəflər birillik müqaviləyə imza atıblar.

Qeyd edək ki, Hima "Neftçi"yə son mövsümün qış fasiləsində gəlmişdi. Lion "Olimpik"in yetirməsi olan əlcəzairli futbolçu Azərbaycan klubundan öncə 2005-06 mövsümünü icarə əsasında Fransanın "Çateaurouks" (27 oyun, 6 qol) klubunda keçirib, 2007-ci ildə İsveçrənin "Aarau" klubuna icarəyə verilib (15 oyun). 2007-08 mövsümündə Səudiyyə Ərəbistanın "Əl-Vatani" klubunda forma geyinən (25 oyun, 2 qol) 26 yaşlı yarımmüdafiəçi 2008-2010-cu illərdə İsveçrə "Bellinzona"sının şərəfini qoruyub (51 oyun, 5 qol). Hima iki dəfə Əlcəzair millisinə də çağırılıb.

• İstanbul derbisi bu kanalda - TV AFİŞA
• Braziliya millisinin üzvü karyerasını başa vurub
• Emreli oynadı, komandası 3 xal qazandı
• İngiltərəli millisinin üzvü “Nyukasl”dan ayrılacaq - RƏSMİ
• “Tottenhem”in sabiq futbolçusu butslarını mismardan asdı - RƏSMİ