“Makedoniya yığması ilə ötən ilki oyundan nəticə çıxarmalıyıq”. Apasport.az saytının xəbərinə görə, bunu Azərbaycan yığmasının baş məşqçisi Berti Foqts deyib.

Sabah Makedoniya ilə yoldaşlıq görüşünə çıxacaq millimizin az öncə mətbuat üçün açıq məşqçi keçirilib. Məşqdən sonra jurnalistlərin suallarını cavablayan Foqts bildirib ki, rəqibə qarşı sürətli və aqressiv futbol göstərməlidirlər: “Ötən ilki qarşılaşmada elə təəssürat yaranmışdı ki, sanki biz gənc komandayıq, peşəkarlara qarşı oynayırdıq. Bu çatışmazlığı sabah aradan qaldırmalıyıq. İlk dəqiqlərdən sürətli, aqressiv futbol nümayiş etdirib, rəqibə öz oyununu diktə eləməyə imkan verməməliyik”.

Almaniyalı çalışdırıcı, həmçinin futbolçuların hazırlığından razı qalmadığını vurğulayıb. O. Bunu mövsümün yeni başlaması ilə əlaqələndirib.

Xatırladaq ki, yığmamız bir il öncə Avstriya toplanışı çərçivəsində qarşılaşdığı Makedoniyaya 1:3 hesabı ilə uduzmuşdu.

• İstanbul derbisi bu kanalda - TV AFİŞA
• Braziliya millisinin üzvü karyerasını başa vurub
• Emreli oynadı, komandası 3 xal qazandı
• İngiltərəli millisinin üzvü “Nyukasl”dan ayrılacaq - RƏSMİ
• “Tottenhem”in sabiq futbolçusu butslarını mismardan asdı - RƏSMİ