“Qarabağ”ın zədəliləri sırasına daha bir futbolçu qoşulub. Apasport.az saytının məlumatına görə, “Kəpəz”lə baş tutan sonuncu oyunda zədələnərək yerini Əfran İsmayılova vermək məcburiyyətində qalan Emin İmaməliyev də xəsarətinin ciddi olduğu müəyyənləşib.

Belə ki, Bakıya döndükdən sonra 31 yaşlı yarımmüdafiəçi tibbi müayinədən keçirilib. Eminin durumunun ağır olduğu üzə çıxıb. İmaməliyevin sol ayağında II dərəcəli əzələ yırtılması müəyyənləşib. Bu o deməkdir ki, Emin azı 20 gün topa toxuna bilməyəcək. Eminin təxminən 1 ay sonra yaşıl meydanlara dönə biləcəyi ehtimal olunur.

Xatırladaq ki, ilk turda da Zaur Həşimov zədələnərək oyunu erkən əvəzlənmişdi.

• TFF-də kritik iclasın vaxtı bəlli oldu – Hacıosmanoğlu Berlin səfərindən qayıdır
• Ürəyindən əməliyyat olunmuşdu - Məşqlərə qayıtdı
• “Barselona” “Qalatasaray”la oyuna ehtiyat heyətlə çıxa bilər – SƏBƏB
• TFF Montella ilə yollarını ayırır – Təzminat ödənilməyəcək
• Entoni Teylor hakimləri tanımadığını etiraf etdi – MHK üzvlərindən kömək istədi