“Barselona”nın baş məşqçisi Xosep Qvardiola bu gün UEFA Superkubokuna sahib çıxarsa, adını Avropa futbol tarixinə qızıl hərflərlə yazdıracaq. Apasport.az saytının məlumatına görə, Monakoda “Porto” ilə qarşılaşacaq katalonların 40 yaşlı çalışdırıcısı 2-ci dəfə bu kuboku qazanmaq imkanına malikdir.

Bu zaman Qvardiola buna nail olan 6-cı baş məşqçi olacaq. Ona qədər hollandiyalılar - Raymond Qutals (“Anderlext”, 1976 və 78-ci illər) və Lui van Qal (“Ayaks, 1995, “Barselona” 1997-ci ildə), italyanlar Arrio Sakki (“Milan”, 1989 və 90-cı illər) və Karlo Ançelotti (“Milan” 2003-cü və 2007-ci illər), şotlandiyalı Aleks Ferqyusson (“Aberdin” 1983, “Mançester Yunayted” 1991-ci ildə) Superkubok sevinci yaşayıb.

Qeyd edək ki, ilk dəfə 2009-cu ildə elə “Barsa” ilə Superkuboku qazanan Qvardiolanın məşqçilik karyerasında bütün titulları bu klubla bağlıdır. O, son 3 ildə artıq 2-ci dəfə Çempionlar Liqasının qalibi olub.

• Braziliya klubunda yeni təyinat
• “Barselona”dan Kanselo qərarı
• "Real" - "Bavariya" matçı bu kanalda - TV Afişa
• “Fənər”in heyətində ciddi itki
• Braziliya klubunda ayrılıq