Sabah Azərbaycan Premyer Liqasında növbəti tura start veriləcək. Apasport.az saytının məlumatına görə, VI turun 3 oyunu sentyabrın 17-də, 3-ü isə ertəsi gün keçiriləcək. Böyük maraq doğuran 2 mərkəzi qarşılaşmanın da hərəsi 1 gündə baş tutacaq.

Cari mövsüm məğlubiyyət acısı dadmayan 2 komandanın hər ikisi bu tur səfərdə, özü də Bakıda oynayacaq. Bu 2 əyalət təmsilçisindən biri - “Xəzər Lənkəran” mövsümdə ilk dəfə Suraxanı stadionuna çıxacaq “Qarabağ”ın qonağı olacaq.

Turdan sonra yenə zirvədə qalmaq üçün qonaqlar 1 xal qazanmağa borcludurlar. Ehtiyatda 1 oyunu qalan ağdamlılar isə xal itirməməklə liderə daha da yaxınlaşmaq niyyətindədir.

Bu tur zirvəni ələ keçirmək şansı olan yeganə komanda “Qəbələ”dir. Lakin mövsümün 2 məğlubedilməzindən birini çətin səfər sınağı gözləyir. Toni Adamsın yetirmələri ardıcıl 2 oyundur xal nə olduğunu bilməyən “Neftçi”ni məğlub etməlidirlər.

Böyükağa Hacıyevin yetirmələri isə 2 oyunluq məğlubiyyət seriyasını biabırçı həddə çatdırmamağa çalışacaq. “Neftçi” azarkeşləri qarşısında qələbə qazanmağa borcludur ki, yenilgiləri unutdura bilsin.

Bu 2 matçın kölgəsində qalmasına baxmayaraq AZAL və “İnter” arasında paytaxt derbisi də səbirsizliklə gözlənilir. O qədər də ürəkaçan durumda olmayan “Bakı” isə tarixinin ilk titulunu qazandığı sabiq baş məşqçisinin yetirmələri ilə görüşəcək. Əsgər Abdullayevin çalışdırdığı “Turan” qonaqları büdrətməklə öz vəziyyətini yaxşılaşdıra bilər.

3 aşkar autsayderdən biri – “Simurq” son turların qəhrəmanı “Kəpəz”i qəbul edir. Zaqatalalılar xal itkisi ilə mövqeyini daha da ağırlaşdıra bilr. Buna səbəb digər 2 autsayderin öz aralarında görüşməsidir.

17 sentyabr (şənbə)

16:00. "Qarabağ" - "Xəzər Lənkəran"
Tofiq İsmayılov adına Suraxanı qəsəbə stadionu

18:00. "Simurq" - "Kəpəz"
Zaqatala şəhər stadionu

19:00. AZAL - "İnter"
"AZAL" stadionu

18 sentyabr (bazar)

16:00. "Turan" - "Bakı"
Tovuz şəhər stadionu

17:00. "Rəvan" - "Sumqayıt Şəhər"
"Dalğa Arena" stadionu

18:30. "Neftçi" - "Qəbələ"
Tofiq Bəhramov adına Respublika stadionu

1	Xəzər Lənkəran	5	4	1	0	10-3	13
2	Qəbələ	5	3	2	0	6-3	11
3	Kəpəz	5	3	0	2	11-8	9
4	İnter	5	3	0	2	4-4	9
5	Bakı	5	2	2	1	6-5	8
6	Qarabağ	4	2	1	1	3-2	7
7	AZAL	5	2	1	2	8-8	7
8	Neftçi	4	2	0	2	6-4	6
9	Turan	5	2	0	3	6-7	6
10	Rəvan	5	0	2	3	6-9	2
11	Simurq	5	0	2	3	1-6	2
12	Sumqayıt Şəhər	5	0	1	4	2-10	1

Bombardir: Sergey Artyux (Turan) - 4

• “Fənər”də şok itki - 3 həftə olmayacaq
• Türkiyə millisinin üzvü “Ayntraxt”dan ayrıla bilər
• Uşaqda fərasətə bax: Donnarumanı aldadan bosniyalıdan etiraf
• “Liverpul”da kütləvi ayrılıq - 4 futbolçu satışa çıxarılacaq
• Niderlandlı ulduz "Benfika"nın transfer hədəfində