Berti Foqts Azərbaycan yığması ilə müqavilənin uzadılıb-uzadılmaması məsələsinə münasibət bildirib. Apasport.az saytının məlumatına görə, AFFA ilə müqaviləsinin gələn ilin yanvarında başa çatacağını söyləyən almaniyalı mütəxəssis anlaşmanın artırılmasından xəbərsiz olduğunu deyib: “Hələ ki, mənimlə bu haqda danışan olmayıb və deyəsən, danışmaq fikirləri də yoxdur”.

Azərbaycanlı futbolçuların beynəlxalq təcrübəsinin azlığından şikayətlənən Foqts xaricdə çıxış edən həmyerlilərimizin sayının çox az olduğunu deyib: “Bu, Azərbaycan üçün problemdir. Futbolçular ölkələrində digər vətəndaşlarla müqayisədə yaxşı qazandığından başqa yerə getmək istəmirlər. Mən futbolçulara öz layiqli işlərinə görə pul verilməsini istəyirəm, amma bunun qarşısını alanlar çoxdur”.

• Həftənin futbolçusu adına namizədlər bəlli oldu
• Hansı, oyun, hansı kanalda? - TV AFİŞA
• “Fənər”də şok itki - 3 həftə olmayacaq
• Türkiyə millisinin üzvü “Ayntraxt”dan ayrıla bilər
• Uşaqda fərasətə bax: Donnarumanı aldadan bosniyalıdan etiraf