Azərbaycan Premyer Liqasının VII turunun “Qəbələ” ilə ev oyunu “Xəzər Lənkəran”ın baş məşqçisi Mirça Rednik üçün 2 yubileylə əlamətdar olub. Apasport.az saytının məlumatına görə, komanda rumıniyalı çalışdırıcısının rəhbərliyi altında 25-ci dəfə meydandan qalib ayrılıb. İndiyədək müxtəlif yarışlarda cənub təmsilçisi 47 görüşə çıxaran Rednik 25-ci, yubiley qələbəsini qazanan 3-cü mütəxəssis oldu. Ona qədər Ağasəlim Mircavadov və türkiyəli Rasim Kara bu qədər qələbə sevinci yaşamışdı.

“Qəbələ”yə 2:1 hesabı ilə qalib gəldikləri görüşdə vurulan ilk qol da Rednik üçün əlamətdar olub. Belə ki, portuqaliyalı yarımmüdafiəçi Antonio Semedonun qolu Rednikin rəhbərliyi altında çempionatda vurulan 50-ci top olub. Bunun üçün rumıniyalının yetirmələrinə 39 matç yetərli olub.

Mənbə: lankaranfc.com

• 18 yaşlı müdafiəçi "Çelsi"nin radarında
• "Atalanta"nın futbolçusu La Liqa yolunda
• "Real"ın 3 futbolçusu zədəsini sağaldıb - "Bavariya"ya qarşı oynayacaqlar
• "Tottenhem"də ciddi itki
• Braziliya millisinin üzvü A Seriyasına qayıda bilər