Azərbaycan Premyer Liqasının VIII turu “Qəbələ”nin baş məşqçisi Toni Adams üçün əlamətdar olacaq. Apasport.az saytının məlumatına görə, 45 yaşlı ingilis mütəxəssis çempionatımızda yubiley – 40-cı oyununa çıxacaq. Bu, debütant “Rəvan”la ev matçında reallaşacaq.

2005-ci ildə yaranan klubun tarixinə 3-cü baş məşqçi kimi düşən Adams 39 matçda “Qəbələ”nin “sükanı arxasında” olub. 2010-cu ilin yayında müqavilə bağladığı komandanı ötən mövsüm 32 görüşə çıxaran ingilis çalışdırıcı bu il 8-ci matçla 40 həddinə çatır.

Qəbələlilər Adamsın rəhbərliyi altındakı çempionat matçlarında 16 qələbə qazanıb, 14 heç-heçə edib və 9 dəfə uduzub.

“Qəbələ” Toni Adamsın rəhbərliyi altında Premyer Liqada

mövsüm	O	Q	H	M	TOP	X
2010/11, təsnifat mərhələsi	22	8	7	7	19-14	31
2010/11, final mərhələsi	10	5	5	0	12-4	20
2010/11, cəmi	32	13	12	7	31-18	51
2011/12	7	3	2	2	7-7	11
Cəmi	39	16	14	9	38-25	62

Qeyd edək ki, Adams kimi əvəzedici heyətin çalışdırıcısı Daril Villard da “Qəbələ”də 40-cı oyununu keçirəcək. İndiyədək onun rəhbərlik etdiyi əvəzedicilər 39 matçda 21 qələbə qazanıb, 9 heç-heçə edib və eyni sayda da uduzub. Onun yetirmələri 77 qol vurub və 43-ü buraxıblar.

• 18 yaşlı müdafiəçi "Çelsi"nin radarında
• "Atalanta"nın futbolçusu La Liqa yolunda
• "Real"ın 3 futbolçusu zədəsini sağaldıb - "Bavariya"ya qarşı oynayacaqlar
• "Tottenhem"də ciddi itki
• Braziliya millisinin üzvü A Seriyasına qayıda bilər