17 yaşadək qızlardan ibarət Azərbaycan milli komandası tarixində 3-cü dəfə darmadağın olub. Apasport.az saytının məlumatına görə, Avro-2012-nin Bakıdakı seçmə oyunlarında Ukraynaya 0:3 hesabı ilə uduzan Sissi Raytın yetirmələri almaniyalı baş məşqçilərinin debütünü korlayıb.

Bu, komandamızın qitə çempionatının seçmə matçlarında, ümumilikdə rəsmi matçlarda 3-cü böyük hesablı məğlubiyyəti olub. Komandamız sonuncu dəfə 1086 gün əvvəl 2008-ci il oktyabrın 9-da Fransa ilə qarşılaşmada acınacaqlı yenilgi almışdı – 0:6.

Komandamızın ilk darmadağını isə 2007-ci ildə qeydə alınıb. Həmin vaxt oktyabrın 10-da Polşa futbolçuları 4 cavabsız qolla qalib gəlib.

Qeyd edək ki, millimiz cəmi 7 rəsmi matç keçirib, bunların 5-də uduzaraq 1 qələbə və 1 heç-heçə ilə təsəlli tapıb.

• 18 yaşlı müdafiəçi "Çelsi"nin radarında
• "Atalanta"nın futbolçusu La Liqa yolunda
• "Real"ın 3 futbolçusu zədəsini sağaldıb - "Bavariya"ya qarşı oynayacaqlar
• "Tottenhem"də ciddi itki
• Braziliya millisinin üzvü A Seriyasına qayıda bilər