Türkiyə millisinin Avro-2012-in seçmə mərhələsində Azərbaycan yığması ilə oktyabrın 11-də İstanbulda keçiriləcək rəsmi oyun öncəsi heyətlə bağlı problemləri davam edir. Apasport.az saytının məlumatına görə, “ay-ulduzlular” kapitan Əmrə Belözoğlunun ardınca daha bir orta sahə oyunçusu – Səlcuk İnanın xidmətindən məhrum olub.

Cari mövsümdən “Qalatasaray”da oynayan 26 yaşlı yarımmüdafiəçi zədə üzündən seçmə mərhələnin son 2 oyunundan kənarda qalacaq. Türkiyə yığmasının baş məşqçisi Qus Hiddink onları yarımmüdafiənin mərkəzində “Beşiktaş”lar – Mehmet Aurelio və Necip Uysalla əvəzləməyi düşünür.

Qeyd edək ki, 2007-ci ildən şərəfini qoruduğu yığmada 13 oyun keçirən Səlcuk milli komandamıza cari seçmə mərhələdə Bakıda 0:1 hesabı ilə uduzduqları görüşdə iştirak etmişdi.

• 18 yaşlı müdafiəçi "Çelsi"nin radarında
• "Atalanta"nın futbolçusu La Liqa yolunda
• "Real"ın 3 futbolçusu zədəsini sağaldıb - "Bavariya"ya qarşı oynayacaqlar
• "Tottenhem"də ciddi itki
• Braziliya millisinin üzvü A Seriyasına qayıda bilər