“Adi səhvdən qol buraxdıq. Deməzdim ki, bu mənim üzümdən baş verdi. Məndən arxada daha 3 futbolçu vardı. Sadəcə, qapıya zərbə dəqiq alındı”. Bu sözləri apasport.az saytına “Xəzər-Lənkəran”ın müdafiəçisi Elnur Allahverdiyev deyib.

Cənub təmsilçisi Premyer Liqanın VIII turunda səfərdə “İnter”ə 0:1 hesabı ilə uduzsa da, turnir cədvəlində zirvədəki mövqeyini itirmədi. Elnurun fikrincə, məğlubiyyət faciə ilə qarşılanmamalıdır: “Futbolda hər şey olur. İndi toparlanıb, digər matçlar barəsində düşünməliyik. Liderliyimiz davam edir. Komandamızda yüksən ab-hava var. İnanıram ki, sonda istəyimizə qovuşacağıq”.

• 18 yaşlı müdafiəçi "Çelsi"nin radarında
• "Atalanta"nın futbolçusu La Liqa yolunda
• "Real"ın 3 futbolçusu zədəsini sağaldıb - "Bavariya"ya qarşı oynayacaqlar
• "Tottenhem"də ciddi itki
• Braziliya millisinin üzvü A Seriyasına qayıda bilər