Rednik “Bakı”nın bazasında yubileyini qeyd edəcək

19.10.2011 - 10:16

Azərbaycan Premyer Liqasının növbəti turu “Xəzər Lənkəran”ın baş məşqçisi Mirça Rednik üçün əlamətdar olacaq. Apasport.az saytının məlumatına görə, cənub təmsilçisi 49 yaşlı rumıniyalı mütəxəssisin rəhbərliyi altında yubiley - 50-ci dəfə meydana çıxacaq. Bu, X turda oktyabrın 21-də “Bakı” ilə səfər matçında reallaşacaq. Həmin oyun “Bakı”nın əsas komandasının öz təlim-məşq bazasında ilk rəsmi oyunu kimi tarixə düşəcək. 2010-cu ilin iyulundan “Xəzər Lənkəran”a rəhbərlik edən Rednik Premyer Liqa, kubok və Avroliqa görüşlərində üst-üstə 49 matçda iş başında olub.

Qeyd edək ki, Rednik “Xəzər Lənkəran”da ötən il avqustun 7-də Premyer Liqamızın ilk turunda “Qəbələ” ilə ev oyununda debüt edib və 1:0 hesablı qələbəyə sevinib.

		O	Q	H	M	QF	X
2010/11	Çempionat - I mərhələ	22	14	5	3	28-12	47
	Çempionat – II mərhələ	10	2	7	1	10-6	13
	Kubok	6	3	2	1	11-8	11
2011/12	Avropa Liqası	2	0	1	1	1-3	1
	Çempionat	9	7	1	1	14-5	22

Cəmi		49	26	16	7	64-34	94
Çempionat		41	23	13	5	52-23	82
Kubok		6	3	2	1	11-8	11
Avropa Liqası		2	0	1	1	1-3	1