Premyer Liqanın X turu “Kəpəz” üçün əlamətdar olacaq. Apasport.az saytının məlumatına görə, Gəncə təmsilçisi tarixində 350-ci dəfə Mehman Allahverdiyevin rəhbərliyi altında meydana çıxacaq.

Prinsipial rəqib “Neftçi” ilə ev oyununda yubileyini qeyd edəcək 51 yaşlı mütəxəssis 1993/94 mövsümündə debüt etdiyi komandanı bu günədək 349 görüşə çıxarıb. 1993-cü ilin yayından 2003-cü ilin yayınadək bu vəzifədə çalışan, bu ilin yazında yenidən postuna qayıdan mütəxəssis bununla da Azərbaycan futbolu tarixindəki şəxsi rekordunu 350 həddinə çatdıracaq. Belə ki, Azərbaycan futbolu tarixində heç bir məşqçi eyni klubu 350 matça çıxarmayıb.

Allahverdiyev 28 müxtəlif yarışda 3 Azərbaycan çempionluğu, 4 ölkə kuboku qazandırdığı “Kəpəz”lə 209 qələbə qazanıb, 54 heç-heçə edib və 86 dəfə uduzub.

Qeyd edək ki, Allahverdiyevin yubiley matçı oktyabrın 22-də baş tutacaq.

turnir	İştirak sayı	O	Q	H	M	T	X
Azərbaycan çempionatı	11	267	163	43	61	571-258	532
Azərbaycan kuboku	8	59	42	9	8	144-45	135
Birlik kuboku	4	13	3	2	8	13-33	11
Avrokuboklar	5	10	1	0	9	5-27	3
Cəmi	28	349	209	54	86	733-363	681

• Günün canlı yayımlanacaq matçları - TV AFİŞA
• “Aston Villa”nın futbolçusu Bundesliqa yolunda
• “Liverpul”un müdafiəçisi Premyer Liqada klubunu dəyişə bilər
• “Real”la matç öncəsi “Bavariya”da şok itki
• Sabiq “Qalatasaray”lı butslarını mismardan asdı