Mehman Allahverdiyev: “Kəpəz” indiyədək belə taktika ilə oynamayıb

22.10.2011 - 16:42

“Neftçi”nin oyununu araşdırmışdıq. Özümüz də onlara qarşı fərqli taktika ilə meydana çıxdıq”. Apasport.az saytının məlumatına görə, bu sözləri “Kəpəz”in baş məşqçisi Mehman Allahverdiyev deyib.

Təcrübəli mütəxəssis Premyer Liqanın X turunun “Neftçi” ilə oyunundakı heç-heçənin (1:1) necə əldə olunduğunu açıqlayıb: “Kəpəz” indiyədək 5-4-1 sistemi ilə oynamamışdı. Lakin ötən ilki 3 oyunda 11 qol buraxdığımızı nəzərə alıb bu dəfə belə taktika seçdik. Əsas məqsədimiz qol buraxmayıb əks-hücumlara bel bağlamaq idi. Belə əks həmlələrin də birində qol vura bildik”.