Bakı “İnter”i “Birlik kuboku”nun tarixinə düşdü

25.10.2011 - 13:33

Bakının “İnter” klubu Rusiyada keçirilən “Birlik kuboku” turnirinin tarixinə düşüb. Apasport.az saytının məlumatına görə, təmsilçimizin adı yarışın qalibi olan son klub kimi tarixdə qalacaq.

1993-2011-ci illərdə klublar arasında keçirilən yarışda bundan sonra yığmalar mübarizə aparacaq. Bu isə o deməkdir ki, qalib adını qazanan 10 klubun yolunu millilər davam etdirəcək. 9 ay əvvəl mükafatı Azərbaycana gətirən Kaxaber Sxadadzenin yetirmələri də bu üzdən sonuncu qalib klub olub.

Klublar arasında “Birlik kuboku”nun bütün qalibləri

Rusiya – 8 dəfə (“Spartak, 1993, 94, 95, 99, 2000, 2001, “Lokomotiv”, 2005, “Rubin”, 2010)
Ukrayna – 4 (“Dinamo”, Kiyev, 1996, 97, 98, 2002)
AZƏRBAYCAN – 3 (“Neftçi”, 2006, “Xəzər Lənkəran”, 2008, “İnter”, 2011)
Moldova – 2 (“Şerif”, 2003, 09)
Gürcüstan – 1 (“Dinamo”, Tiflis, 2004)
Özbəkistan – 1 (“Paxtakor, 2007)