Premyer Liqanın debütantı “Sumqayıt Şəhər” 2011/12 mövsümünə uğursuz başlayıb. Apasport.az saytının məlumatına görə, “Gənclik şəhəri” təmsilçisi startdakı ilk 10 turda qələbə qazana bilməyib.

1992-ci ildən keçirilən Azərbaycan çempionatları tarixində indiyədək 17 dəfə belə hala təsadüf olunmuşdu. Hər hansı komandanın uğursuz startı elə ilk çempionatda da müşahidə edilib.

Həmin vaxt Kürdəmir “Şirvan”ı 10 oyunda nəinki qələbə, xala da həsrət qalıb. Bundan sonrakı illərdə də komandanın antirekordunu təkrarlayanlar tapılıb. Avrokuboklarda oynamış klublarımızdan “Şəmkir” və “Şəfa”nın da ardıcıl 10 qələbəsiz və xalsız startına rast gəlinib. Ölkə çempionlarından “Turan”, “Kəpəz”, “Bakı” (“Dinamo-Bakılı” adlandığı vaxt) uğursuz starta üzülüb.

İlk 10 matçda qələbə qazanmayanlar sırasında Sumqayıt “Xəzər”ini də göstərmək olar. Düzdür, bu komandanın hesabında 1 qələbə var. Amma bu qələbəni onlara İntizam Komitəsi qazandırıb. Yəni, komandaya texniki qələbə verilib.

1992	Şirvan (Kürdəmir)	0	0	10*	2-35	0
1993	Ümid (Cəlilabad)	0	2	8*	5-27	2
1993/94	Kürmük (Qax)	0	2	8	7-22	2
1994/95	Xəzər (Sumqayıt)	1*	0	9	8-37	3
1995/96	Pambıqçı (Neftçala)	0	1	9	5-34	1
1996/97	Şəmkir	0	0	10*	3-61	0
1998/99	Dalğıc ADNŞ (Bakı)	0	1	9	3-23	1
2000/01	Şahdağ (Quba)	0	1	9**	4-33	1
2001/02	Dinamo-Bakılı	0	3	7*	6-18	3
2003/04	Kəpəz (Gəncə)	0	1	9*	6-33	1
2004/05	Şəfa (Bakı)	0	0	10	8-30	0
2005/06	Göyəzən (Qazax)	0	2	8	5-25	2
2006/07	Şahdağ (Qusar)	0	4	6	5-16	4
2007/08	ABN-Bərdə	0	3	7	4-22	3
2008/09	Turan (Tovuz)	0	3	7	3-20	3
2009/10	Standard (Sumqayıt)	0	2	8	7-18	2
2010/11	Turan (Tovuz)	0	4	6	7-17	4
2011/12	Sumqayıt Şəhər	0	3	7	3-14	3

“*” işarəsi texniki nəticələri göstərir.

Vüqar XEYRULLAYEV

• "Çelsi"də kabus davam edir - son 7 oyunda 1 qələbə
• “İnter” müdafiə xəttini gücləndirir - RAZILIQ ƏLDƏ OLUNUB
• Millimizin üzvü oynamadı, komandası xal itirdi
• “Benfika”nın üzvü “Napoli”nin radarında
• Qordon “Arsenal”ın hədəfində