Premyer Liqada 2010/2011-ci il mövsümünün bütün mükafatçılarının təltifetmə mərasiminin vaxtı müəyyənləşib. Apasport.az saytının məlumatına görə, ötən mövsümün ən yaxşıları öz mükafatlarını noyabrın 3-də alacaqlar.

Peşəkar Futbol Liqasının təşkil etdiyi tədbir Bakı Biznes Mərkəzində keçiriləcək və saat 15:00-da başlanacaq. Həmin gün “Neftçi” qızıl, “Xəzər Lənkəran” gümüş, “Qarabağ” isə bürünc medallarına qovuşacaq. Bundan başqa arxada qalan mövsümün fərdi mükafatları da sahiblərinə təqdim olunacaq.

Qeyd edək ki, fərdi mükafatlardan biri – “Mövsümün ən yaxşı qolu”nun müəllifi artıq açıqlanıb. Bu “Simurq”dakı qoluna görə mükafatlanacaq “Neftçi”nin müdafiəçisi Elvin Yunuszadədir. Futbolçu AZAL-ın qapısına gözəl qol vurduğu vaxt Yunusov soyadını daşıyırdı.

• "Tottenhem"də ciddi itki
• Argentinalı müdafiəçi "Fənərbaxça" yolunda: Razılıq əldə olunub
• Frimponq silahlı hücum nəticəsində həlak olub
• İspaniya millisinin üzvü "Real”dan ayrılır?
• Rusiyada yeni legioner limiti