Azərbaycan millisinin daha 1 üzvü cəzalandırılıb. Apasport.az saytının məlumatına görə, “Qəbələ” klubunun futbolçusu Arif İsayev 3 oyunluq cəzaya məruz qalıb. Buna onun Premyer Liqada çıxış edən klubların əvəzedici heyətlərinin XI turunun “Simurq”la matçındakı hərəkəti səbəb olub.

Oyunun 23-cü dəqiqəsində rəqib futbolçu Bəxtiyar Gözəlovlə bir-birini təhqir etdikləri üçün AFFA-nın İntizam Komitəsi intizamsızların cəzasını verib. Qırmızı vərəqə alaraq meydandan kənarlaşdırıldıqları üçün hər iki futbolçu 3 oyunluq cəzalanıb və klubunu 1000 manat xərcə salıb.

Qeyd edək ki, Arif noyabrın 7-də Albaniyaya yollanacaq Azərbaycan yığmasının heyətinə çağırılıb.

• "Siti" Rodrinin əvəzedicisini tapdı
• İngiltərə millisinin üzvü karyerasını sonlandırıb
• "Beşiktaş"ın futbolçusu əməliyyat olunub
• Sabiq "fənər"li Super Liqaya qayıda bilər
• "Beşiktaş"ın yeni hücumçu planı