Braziliyalı yarımmüdafiəçi Dieqo Souza Azərbaycan çempionatında oynamayacaq. Apasport.az saytının məlumatına görə, təcrübəli yarımmüdafiəçi Bakının “İnter” klubundan birdəfəlik ayrılıb.

Souzanın ölkəmizdə ilk komandası “Xəzər Lənkəran” olub. Cənub təmsilçisində uğurlu karyera qursa da, baş məşqçi Mirça Rednikin istəyi ilə transferə çıxarılıb. Souza bundan sonra “İnter”lə müqavilə bağlamasına baxmayaraq, bunun şərtlərinə əməl etmir.

Əvvəlcə klubdan ayrı məşq edən “sambaçı” hazırda Azərbaycanda deyil. Məlumata görə, onunla “bankirlər” arasında müqavilə artıq qüvvədən düşüb.

Qeyd edək ki, Souza “Xəzər Lənkəran” klubunun heyətində Azərbaycan Kubokunu qazanıb.

• Kvaratsxeliya "Napoli" ilə anlaşa bilmir
• "Beşiktaş"ın futbolçusu derbini buraxacaq
• Qalmaqallı "Trabzonspor" - "Fənərbaxça" matçı ilə bağlı yeni qərar
• "Mançester Siti"dən rekord
• "Mançester Yunayted"lə oyun öncəsi "Fənərbaxça"da ciddi itki