Bu gün futzal üzrə UEFA kubokunda mübarizə aparan Azərbaycan çempionu “Araz” ilk oyununa çıxacaq. Apasport.az saytının məlumatına görə, bu, komandamızın braziliyalı baş məşqçisi Joze Alessio da Silvanın təmsilçimizlə avrokuboklarda 3-cü sınağı olacaq.

İndiyədək “Araz”ı UEFA kubokunun 14 oyununa çıxaran məşhur mütəxəssis Hollandiya çempionu “Eyndhoven”lə bugünkü görüşdə yubiley matçına çıxacaq. Cənubi amerikalı yubiley qələbəsini də elit mərhələsinin Barselonada təşkil olunan B qrupunda qazana bilər. Bunun üçün onun yetirmələrinə 2 qələbə lazımdır.

Ümumilikdə, Azərbaycan çempionlarını avrokuboklara 7 məşqçi çıxarıb. Həm oyun, həm xal, həm qələbə, həm də vurulan qolların sayında mütləq rekordçu Joze Alessiodur. Lakin o, sələfi Böyükağa Hacıyevin orta xal hesabındakı rekordundan çox uzaqdır. Hacıyevin vaxtında çempionumuz hər oyunda 2,5 xal yığırdı.

Maraqlıdır ki, 2 il əvvəl postunu braziliyalıya verən Hacıyev hazırda digər Azərbaycan çempionu – futbol üzrə Premyer Liqanın son qalibi “Neftçi”yə rəhbərlik edir.

Azərbaycan çempionlarının avrokuboklardakı baş məşqçiləri

Məşqçi	klub	mövsüm	O	Q	H	M	T	X	ORTA XAL
Elman Ələkbərov	Turan AİR	2001/02, 2002/03, 2004/05	8	3	1	4	20-27	10	1,25
Fazil Qarayev	AMMK-Azercell	2003/04	3	1	2	0	13-11	5	1,67
Hacıbala Abdullayev	Araz	2005/06	3	1	1	1	9-8	4	1,33
Arkadi Belıy	Araz	2006/07	6	3	1	2	28-20	10	1,67
Məmmədqulu Zeynalov	Araz	2007/08	3	1	0	2	7-8	3	1,00
Böyükağa Hacıyev	Araz	2008/09	6	5	0	1	33-15	15	2,50
Joze Alessio da Silva	Araz	2009/10, 2010/11	14	8	3	3	55-30	27	1,93

• Burak getdi, "Qaziantep" vacib qələbə qazandı
• Fransa millisinin üzvü "Barsa"nın hədəfində
• "Yuventus" "Barselona"nın vingerinə "elçi düşdü"
• Vitinyanın durumuna aydınlıq gəldi
• "Barselona"nın üzvü İtaliya yolunda