17 yaşadək qızlar arasında Avropa çempionatının II seçmə mərhələsinin püşkü atılıb. Apasport.az saytının məlumatına görə, qitə birinciliyinin 2011/12 mövsümü gələn il Azərbaycanda keçiriləcək dünya çempionatına seçmə xarakter daşıyır. Bu üzdən də mundiala vəsiqələrə iddiaçıların kiminlə görüşəcəyi də aydınlaşıb.

Belə ki, II seçmə mərhələdə 16 komanda 4 qrupda mübarizə aparacaq. Yalnız qrup qalibləri final yüksələrək İsveçrədə baş tutacaq həlledici görüşlərdə çıxış edəcək. Gələn il iyunun 26-dakı 1/2 final oyunlarında, həmçinin 29-da keçiriləcək III yer uğrunda qalib gələn komanda Azərbaycan 2012-yə vəsiqə əldə edəcək.

Lakin məşhur yığmaların heç də hamısı İsveçrə turnirinə qatılmayacaq. Məsələn İspaniya və Almaniya kimi yığmalar eyni qrupda yer aldığından yalnız biri final mərhələsinə yüksələ bilər. Bu isə o deməkdir ki, indiyədək Avropa çempionu olan 2 yığmadan yalnız biri Azərbaycanda oynayacaq.

Qeyd edək ki, baş tutan 4 qitə birinciliyində 2 dəfə İspaniya, 2 dəfə Almaniya çempion olub.

1-ci qrup: İsveçrə, İngiltərə, Belçika, İslandiya
2-ci qrup: Fransa, Norveç, İrlandiya, Polşa
3-cü qrup: Hollandiya, İsveç, Danimarka, Finlandiya
4-cü qrup: Almaniya, İspaniya, Çexiya, Serbiya

• Kvaratsxeliya "Napoli" ilə anlaşa bilmir
• "Beşiktaş"ın futbolçusu derbini buraxacaq
• Qalmaqallı "Trabzonspor" - "Fənərbaxça" matçı ilə bağlı yeni qərar
• "Mançester Siti"dən rekord
• "Mançester Yunayted"lə oyun öncəsi "Fənərbaxça"da ciddi itki