Azərbaycan yığmasının (U-17) qatılacağı Valentin Qranatkinin xatirə turnirinin iştirakçılarının tam siyahısı dəqiqləşib. Apasport.az saytının məlumatına görə, gələn ilin yanvarında Rusiyanın Sankt-Peterburq şəhərində təşkil ediləcək sayca 24-cü yarışda mübarizə aparacaq sonuncu komandanın da adına aydınlıq gəlib.

Yarışa qatılacaq 12 komandadan 11-i xeyli əvvəldən bilinirdi. Ardıcıl 4-cü dəfə turnirdə oynayacaq millimizlə yanaşı, Belarus, Çin, Çexiya, Finlandiya, İtaliya, Latviya, Litva, Rusiya, Türkiyə, Ukrayna da mükafat uğrunda mübarizə aparacağını təsdiqləmişdi. Artıq 12-ci komandanın adı müəyyənləşib ki, bu da Yunanıstan millisidir.

Qeyd edək ki, əsasnaməyə uyğun olaraq, gələn il yarışda 1994-cü il təvəllüdlülər çıxış edəcək.

• Burak getdi, "Qaziantep" vacib qələbə qazandı
• Fransa millisinin üzvü "Barsa"nın hədəfində
• "Yuventus" "Barselona"nın vingerinə "elçi düşdü"
• Vitinyanın durumuna aydınlıq gəldi
• "Barselona"nın üzvü İtaliya yolunda