Azərbaycan yığmasının futbolçusu Mahir Şükürovun dopinqdən istifadə etdiyi təsdiqlənib. Bu haqda apasport.az saytına 29 yaşlı müdafiəçinin formasını geyindiyi “Qəbələ” klubunun baş meneceri Zaur Əzizov məlumat verib.

O bildirib ki, bununla bağlı UEFA klubun ofisinə faks göndərib: “Faksda göstərilib ki, Türkiyə yığması ilə rəsmi oyundan sonra dopinq-test verən Mahirin qanından istifadəsi qadağan olan dərman preparatı aşkarlanıb. Ancaq bu, ilkin nəticədir və UEFA araşdırmanı davam etdirir. Şükürov bu müddətdə heç rəsmi oyunda iştirak edə bilməz. Bu isə o deməkdir ki, Mahir “Neftçi” ilə qarşıdakı oyunda meydana çıxmayacaq. Ümumiyyətlə, Şükürov UEFA yekun qərar çıxarana qədər oynaya bilməz”.

Qeyd edək ki, araşdırmalarını yekunlaşdırandan sonra UEFA-nın futbolçumuza uzun müddətli cəza verəcəyi gözlənilir.

Mehman SÜLEYMANOV

• Burak getdi, "Qaziantep" vacib qələbə qazandı
• Fransa millisinin üzvü "Barsa"nın hədəfində
• "Yuventus" "Barselona"nın vingerinə "elçi düşdü"
• Vitinyanın durumuna aydınlıq gəldi
• "Barselona"nın üzvü İtaliya yolunda