Rusiya Premyer Liqasında final mərhələsinin ilk turuna start verilib. Apasport.az saytının məlumatına görə, Azərbaycan milli komandasının sabiq üzvü Vaqif Cavadovun çıxış etdiyi “Volqa” klubu Nijni-Novqorodda doğma azarkeşlər önünə çıxıb.

9-16-cı yerlər uğrunda mübarizə aparan Vaqifin komandası “Amkar”ı qəbul edib. Həmyerlimiz bu matçda start heyətində yer alıb. 90 dəqiqə əvəzlənmədən meydanda olan Vaqif növbəti dəfə məğlubiyyət acısı yaşayıb. Artıq 7-ci dəqiqədə erkən qol vuran meydan sahibləri bu üstünlüyü qoruya bilməyərək 1:2 hesabı ilə məğlub olub. İkinci hissədə 2 dəqiqəyə 2 qolun vurulmasında “Volqa”nın azlıqda qalması da rol oynayıb. 51-ci dəqiqədən 10 nəfərlə qalan meydan sahibləri matçı 9 nəfərlə bitirib.

• London derbisi: Qolsuz bərabərlik
• PSJ braziliyalı vingeri transfer etmək istəyir
• Burak getdi, "Qaziantep" vacib qələbə qazandı
• Fransa millisinin üzvü "Barsa"nın hədəfində
• "Yuventus" "Barselona"nın vingerinə "elçi düşdü"