Futbol üzrə Almaniya çempionatının 13-cü turunun “Köln” – “Maynts” matçı baş hakim Babak Rafatinin özünü öldürməyə cəhdi üzündən baş tutmayıb.
Lent.az-ın “Bild”ə istinadən verdiyi məlumata görə, referi oyuna gəlmədiyi üçün onu vaxtında əvəzləmək mümkün olmayıb.

Beləliklə, görüş qeyri-müəyyən vaxta təxirə salınıb. Hannoverli baş hakim qaldığı oteldə venaları doğranmış vəziyyətdə tapılıb. Amma o, dünyasını dəyişməyib.

Qeyd edək ki, Babak Rafati 2008-ci il aprelin 23-də Bakının “İnter” və “Neftçi” komandaları arasında keçirilmiş Azərbaycan Kubokunun yarımfinal mərhələsinin cavab görüşünün baş hakimi olub. O, AFFA tərəfindən dəvət olunub. Görüş “İnter”in 1:0 hesablı qələbəsi ilə yekunlaşıb.

• “Arsenal”dan “Əl-Hilal”a - KLUB TARİXİNİN ƏN BAHALI SATIŞI
• Argentinada Messiyə xüsusi jest – Oyunlar 10-cu dəqiqədə dayandırılacaq
• Ançelotti "Real"ın düşərgəsini ziyarət etdi
• Bosniya futbolunda bir dövr başa çatır – Edin Cekonun son matçı
• Obameyanq hökumətin tənqidindən sonra millidən getdi – “Bu, son damla oldu”