“Xəzər-Lənkəran”ın yeni baş məşqçisi Cüneyt Biçər klub tarixində ən gənc baş məşqçi olub. Apasport.az-ın klubun rəsmi saytına istinadən məlumatına görə, 36 yaşında bu posta təyin olunan türkiyəli mütəxəssisin sələflərinin heç biri bu yaşında “ağ-yaşıllar”ın baş məşqçisi olmamışdı.

Klub tarixinə 7-ci baş məşqçi kimi düşən Biçərə kimi bu rekord Nazim Süleymanova məxsus idi. Komandanın ilk çalışdırıcısı 39 yaşında bu posta təyin olunmuşdu. Düzdür, onun 2-ci istefasından sonra komandanı 3 oyuna çıxaran Şenol Fidanın da 39 yaşı olub. Lakin o, baş məşqçi yox, bu funksiyanı müvəqqəti icra edən olub.

Qeyd edək ki, “Xəzər Lənkəran”ın tarixində ən yaşlı baş məşqçi Ağasəlim Mircavadovdur. O, 59 yaşında - Biçerdən 23 yaş böyük olduğu vaxt bu postda debüt edib.

Onu da vurğulayaq ki, komandanın 7 baş məşqçisindən 4-ü əcnəbi – 2 türkiyəli (Rasim Kara və Cüneyt Biçer), 1 ukraynalı (Viktor Pasulko), 1 rumıniyalı (Mirça Rednik) olub.

	Məşqçi	Təvəllüdü	Ilk təyinatı	Debütdə yaşı
1	Nazim Süleymanov	1965	2004	39
2	Rasim Kara	1950	2004	54
-	Şenol Fidan (icra edib)	1966	2005	39
3	Viktor Pasulko	1961	2006	45
4	Ağasəlim Mircavadov	1947	2006	59
-	Hafiz Əliyev (icra edib)	1957	2008	51
5	İqor Ponomaryov	1960	2009	49
6	Mirça Rednik	1962	2010	48
7	Cüneyt Biçer	1975	2011	36

• Fernandeş Səudiyyə Ərəbistanı yolunda
• "İnter"də iki ayrılıq
• Nəhənglərlə yarışan tarix, ardıcıl məyusluq - "Ankaragücü"
• Kurtuanın taleyinə aydınlıq gəldi
• "Bavariya" "Real"ın transfer hədəfi ilə danışıqlara başladı