Azərbaycan çempionatının I divizionunda çıxış edən “Bakılı” klubu baş məşqçisiz qalıb. Apasport.az saytının məlumatına görə, AFFA-nın İntizam Komitəsi paytaxt təmsilçisinin çalışdırıcısı Elman Sultanovu cəzalandırıb. Baş məşqçi 5 oyunluq cəzalanıb və komandasını 500 manat ziyana salıb. Buna səbəb Sultanovun XXVII turun “MKT Araz”la səfər oyunundakı hərəkəti səbəb olub. Belə ki, çalışdırıcı oyunun 84-cü dəqiqəsində hakimləri təhqir etdiyinə görə texniki zonadan kənarlaşdırıldığı üçün belə ağır cəza alıb.

Qeyd edək ki, “Bakılı” mövsümün sonunadək 4 oyun keçirəcəyindən çempionatı baş məşqçisiz bitirməli olacaq.

• Aziz Yıldırım yenidən prezidentliyə namizədliyini açıqladı
• Barkola PSJ-dən ayrılacaq?
• "Qızıl əlcək" mükafatının qalibi müəyyənləşib - ARDICIL 3-CÜ DƏFƏ
• Poqba Super Liqa yolunda
• Halkın yeni klubu bəlli olub - RƏSMİ