Qvardiola “getdim” dedi

27.04.2012 - 15:06

Xosep Qvardiolanın “Barselona”nın baş məşqçisi postundan gedişi reallaşır. Apasport.az saytının məlumatına görə, ispaniyalı çalışdırıcı klub rəhbərliyi ilə görüşündən sonra bu gün futbolçularla söhbətləşib.

Qvardiola onlara başa çatan müqaviləsini uzatmayacağını, gələn mövsümdə postunda qalmayacağını bildirib. O, bu gün keçirilən mətbuat konfransında qərarını rəsmən açıqlayacaq. “Barsa” məsələ ilə bağlı yaxın saatda bəyanat yayacaq.

Qeyd edək ki, Qvardiola “Barsa”ya çalışdırdığı son 4 ildə 13 mükafat, o cümlədən, 2 Çempionlar Liqası və 3 İspaniya çempionluğu qazandırıb.