“Neftçi”nin “dərsini verdilər”

30.04.2012 - 09:29

Futzal üzrə Azərbaycan çempionatında XVII turun oyunları keçirilib. Apasport.az saytının məlumatına görə, III dövrənin mərkəzi oyununda liderlər üz-üzə gəlib. Son 7 mövsümün dəyişməz çempionu Naxçıvanın “Araz” klubu lider “Neftçi” İSM ilə qarşılaşıb. 2004/05 mövsümündən rəqib tanımayan Joze Alesio da Silvanın yetirmələri liderlikdən uzaq düşmələrinin təsadüf olduğunu sübut edib. “Neftçi” İSM-in “dərsini verən” naxçıvanlılar 5:1 hesablı qələbə sayəsində yenidən zirvəyə yüksəlib. Azərbaycan milli komandasının üzvlərinin özəyini təşkil edən “Araz” bununla da 8-ci çempionluğa yaxınlaşıb. Lakin mövsümün sonunadək komandalar xal itirməzsə “Qızıl oyun keçiriləcək.

“Araz” – “Neftçi” İSM – 5:1
PSL – “Qarabağ veteranları” – 1:4
“Ekol” – “Azecolab” – 16:1
“Qala” – “Rəvan” – 5:0 (+:-)

№	Komanda	O	Q	H	M	T/F	Xal
1	Araz	17	15	1	1	128-20	46
2	Neftçi İSM	17	15	1	1	137-35	46
3	Ekol	17	12	0	5	119-44	36
4	Qala	17	9	0	8	64-41	27
5	Qarabağ vet.	17	8	0	9	68-89	24
6	Rəvan	17	5	0	12	61-92	15
7	PSL	17	3	0	14	65-123	9
8	Azecolab	17	0	0	17	43-236	0