“Cari mövsümdə nəticədən asılı olmayaraq, komandadan getmək fikrim yoxdur”. Bunu apasport.az saytına açıqlamasında “Qarabağ”ın futbolçusu Rəşad Sadıqov deyib.

Milli komandamızın kapitanı indiyədək 3 müxtəlif vaxtda Türkiyədə, özü də Superliqada klublarında – “Kayserispor”, “Kocaelispor” və “Əskişəhərspor”da forma geyinib.

Hazırda turnir cədvəlində 4-cü yerdə qərarlaşan “Qarabağ”ın avrokuboklara düşməmək təhlükəsi var. Bu səbəbdən Rəşadın komandadan ayrılıb, yenidən Türkiyəyə yollanacağı bildirilir.

Ancaq Sadıqov belə fikirdə olmadığını söyləyib: “Hazırda bütün diqqətimi mövsümdə son 2 oyunumuza yönəltmişəm. Avroliqaya düşməyimiz bu matçlarda həll olunacaq. Türkiyə, yaxud başqa xarici ölkədən təklif almamışam. Təklif olsa, baxarıq. Mənim “Qarabağ”la hələ 1 illik müqaviləm var. Üstəlik, hazırda “transfer pəncərəsi” də açıq deyil”.

• Günün canlı yayımlanacaq matçları - TV AFİŞA
• İspaniya millisinin üzvü “Qalatasaray”ın hədəfində
• Aziz Yıldırımdan digər namizədlərə: "Geri çəkilin”
• “Arsenal”ın müdafiəçisi “Portu”da
• Portuqaliyalı yarımmüdafiəçi “Yunayted”in radarında