Azərbaycan millisinin Yaponiyaya yoldaşlıq görüşündə uduzduğu 0:2 hesabı baş məşqçisi Berti Foqts üçün xüsusidir. Apasport.az saytının məlumatına görə, bu, 66 yaşlı almaniyalı mütəxəssisin 4 ildir çalışdırdığı komandamızda ən çox uduzduğu hesablardandır.

İndiyədək 7 dəfə “0:2” qeydə alınıb. Millimiz Yaponiyaya qədər Rusiya, Türkiyə, Almaniya, Çernoqoriya, Macarıstan və Fələstinə bu hesabla uduzub. Foqtsun digər 7 məğlubiyyəti isə 0:1 hesabı ilə olub. O, Yaponiya ilə matçda yubiley – 25-ci məğlubiyyətini aldı.

Əslində, bu hesabı Foqts üçün sevimli də saymaq olar. Təsadüfi deyil ki, onun 46 matça çıxardığı yığmamızın 10 qələbəsi daha çox 2 hesabla olub. Bunlar 2:0 və 2:1 hesablarıdır. Almaniyalı çalışdırıcı hərəyə 3 dəfə bu hesablı qələbələrə sevinib. Qalan 4 hesabdan 2-si 1:0, hərəyə 1 dəfə 3:2 və 3:0 olub.

Millimiz 2:0 Lixtenşteyni, Çexiyanı və İordaniyanı məğlub edib. Bunlardan birincisi rəsmi oyunda, qalan 2-si yoldaşlıq görüşlərində olub.

• Dambrauskas və Sadıqov finalöncəsi PFL-in suallarını cavablandırıb - VİDEO
• 33 yaşlı mütəxəssis daha 3 il "Brayton"da - RƏSMİ
• Tramp DÇ-2026 bilet qiymətlərinə etiraz etdi: “Mən o pulu verməzdim”
• Günün canlı yayımlanacaq matçları - TV AFİŞA
• Valverde sükutu pozdu: "Heç kim məni döyməyib"