Norveç millisinin (U-21) baş məşqçisi Per-Yoar Hansen ölkəsində müsahibə verib. Apasport.az saytının məlumatına görə, çalışdırıcı Avropa çempionatının seçmə qrup mərhələsi çərçivəsində keçirəcəkləri oyunlar barədə danışıb. Hansen Azərbaycan və İslandiya ilə qarşıdakı 2 ev oyununda maksimum xal toplamağın vacib olduğunu deyib.

- Qarşıdakı matçlar barədə nə deyə bilərsiz?
- Bizim növbəti 2 oyunda qələbə qazanmaq üçün yaxşı şansımız var. Bu isə komandamız üçün kifayət qədər yaxşı nəticə olardı. Lakin hazırda ilk – Azərbaycanla matça diqqət yetiririk. Bu oyunda biz hər şeyi ilk dəqiqələrdə həll etməli və görüşün gedişinə nəzarət etməliyik. Söhbət ondan gedir ki, oyun bizim istədiyimiz kimi keçməlidir.

- Bunun üçün nə etməliyik?
- Oyun zamanı biz hərəkət etməli, topa daha çox nail olmalıyıq. Eyni zamanda, hücumda da ehtiyatı əldən verməli deyilik.

- Bəs Azərbaycan yığması barədə ətraflı məlumat toplaya bilmisizmi?
- Azərbaycan yaxşı komandaya malikdir. Onlar Belçika ilə bərabər səviyyəli oynayıb, İslandiyanı məğlub ediblər. Azərbaycan millisinin bir neçə səviyyəli futbolçusu var.

- Norveç yığması necə bu görüşə tam hazırdırmı?
- Bizim komandamız çox möhtəşəmdir və bundan əvvəlki məşqlərdə də xoş təsir bağışlayıb. Onların hamısı gümrah və cəlddirlər.

- Artıq taktikanı müəyyənləşdirmisiz?
- Biz hücum futbolu oynamaq istəyirik və qol vurmaq üçün kifayət qədər enerjimiz və gücümüz var. Ümid edirəm ki, oyunda azarkeş dəstəyi möhtəşəm olacaq və biz də inamlı futbol nümayiş etdirəcəyik.

• Valverde və Çuameni barışdı: Cəriməsiz ötüşmədi
• Sara mövsümü erkən başa vurdu
• "Trabzonspor"un müdafiəçisi əməliyyat olunub
• Dambrauskas və Sadıqov finalöncəsi PFL-in suallarını cavablandırıb - VİDEO
• 33 yaşlı mütəxəssis daha 3 il "Brayton"da - RƏSMİ