Son olaraq “Sivasspor”dan Məhəmməd Əli Atamın transferini reallaşdıran “Sumqayıt” növbəti futbolçunu heyətinə qatıb. Apasport.az-ın klubun rəsmi saytına istinadən məlumatına görə, “Gənclik şəhəri”nin təmsilçisi Almaniyanın IV Bundesliqasında mübarizə aparan “Berliner AK” komandasında çıxış etmiş Azərbaycan əsilli Pərdis Fərcad-Azadla anlaşıb. Onunla ikiillik müqavilə imzalanıb.

Hücumameyilli yarımmüdafiəçi 1988-ci ildə anadan olub və peşəkar karyerasına 2007-ci ildə “FC Karl Zeiss Jena” klubunun ikinci komandasında başlayıb. O, bu klubun heyətində 36 oyunda meydana çıxıb və rəqib qapılarından 7 top keçirib.

Pərdis 2009-2010-cu illər ərzində “VFC Plauen”in şərəfini qoruyub (20 oyun, 3 qol). 2010-cu ildən “Berliner AK”da çıxış edən adıçəkilən futbolçu 34 qarşılaşmada rəqib qapılarından 13 top keçirib.

Qeyd edək ki, Fərcad-Azad “Sumqayıt”da 7 nömrəli futbol formasını geyinəcək.

• Premyer Liqa yolu: "Hull Siti"dən bərabərlik
• Valverde və Çuameni barışdı: Cəriməsiz ötüşmədi
• Sara mövsümü erkən başa vurdu
• "Trabzonspor"un müdafiəçisi əməliyyat olunub
• Dambrauskas və Sadıqov finalöncəsi PFL-in suallarını cavablandırıb - VİDEO