Berti Foqts milli komandamızın şanslarını dəyərləndirdi

06.07.2012 - 19:10

“Azərbaycan milli komandası çətin qrupa düşməyib”. Bu sözləri apasport.az saytına açıqlamasında Azərbaycan yığmasının baş məşqçisi Berti Foqts deyib.

Almaniyalı mütəxəssis 17 yaşadək qızlar arasında dünya çempionatının Azərbaycanda keçiriləcək final mərhələsinin püşkatmasını dəyərləndirib: “Bildiyimə görə yığma optimal hazırlıq keçə bilib. Əgər həyəcanlı olmasalar, soyuqqanlı çıxış etsələr, qrupda ilk 2 yerdən birini tuta bilərlər. Özüm də dünya çempionatının oyunlarını stadiondan izləyəcəyəm. Futbolçularımıza dəstək olacağam”.