“Azərbaycan yığması bizim üçün bağlı qutudur”
07.07.2012 - 00:12
“Azərbaycan yığması bizim üçün bağlı qutudur”
“Qrupumuzda yer alan komandaları tanıyırıq”. Bu sözləri apasport.az saytına Kanada Futbol Federasiyasının nümayəndəsi Brayn Raymond deyib.
Dünən Beynəlxalq Muğam Mərkəzində bu il ölkəmizdə keçiriləcək dünya çempionatının püşkatma mərasimi baş tutub. A qrupunda yer alan yığmamız Kanada, Kolumbiya və Nigeriyadan olan həmyaşıdları ilə qarşılaşacaq.

Püşk atıldıqdan sonra KİV qarşısına çıxan Kanada nümayəndəsi rəqiblərdən ikisini yaxşı tanıdıqlarını deyib: “Kolumbiya və Nigeriya yığmalarını yaxşı tanıyırıq. Haqlarında eşitmişik, eyni zamanda onlarla artıq bir neçə dəfə qarşılaşmışıq”.

Onun sözlərinə görə, yığmamız rəqib üçün bağlı qutu rolunu oynayır: “Azərbaycan yığması haqda bir söz deyə bilməyəcəm. Çünki millinizin oyununu görməmişik. Onlar bizim üçün bağlı qutudurlar. Buna baxçayaraq, məqsədimiz mərhələ-mərhələ yüksəlməkdir”.