“Sumqayıt”dan darmadağın

08.07.2012 - 09:14

“Sumqayıt” 2012/2013 mövsümü üçün hazırlığını Mehdi Hüseynzadə adına Sumqayıt şəhər stadionunda davam etdirir. Apasport.az-ın klubun rəsmi saytına istinadən məlumatına görə, Bernhard Raabın yetirmələri bu gün əvəzedici komandaları ilə yoxlama oyunu keçirib.

Qarşılaşma 5:0 hesabı ilə əsas komandanın xeyrinə başa çatıb. Qolları Sabir Allahquliyev, Ceyhun Sultanov, Arif Vəliyev, Məhəmməd Mirzəbəyov və Fərid Quliyev vurub.

Qeyd edək ki, Orxan Əliyev, Ruslan Nəsirli və Şamil Cəmaləddinov U-19-un heyətində təlim-məşq toplanışında olduğu üçün hazırlıq prosesinə nisbətən gec qoşulacaq.