Hərəyə 0,050 xal

18.07.2012 - 17:22

UEFA klubların reytinq siyahısını yeniləyib. Apasport.az saytının məlumatına görə, Çempionlar Liqasının II təsnifat mərhələsinin baş tutan oyunları sonra siyahıda cüzi dəyişikliklər baş verib. Bu dəyişikliklər Azərbaycan klublarının da mövqelərinə və xallarına təsir edib. Hər komandamız “Neftçi”nin qələbəsi sayəsində 0,050 xal əldə edib. Hazırda siyahıda ölkəmizin 7 klubu yer alıb ki, ən yaxşı nəticə də “Qarabağ”a məxsusdur.

208. “Qarabağ” – 5,358
268. “Bakı” - 3,608
280. “Neftçi” – 3,358
299. “İnter” – 3,108
320. “Xəzər Lənkəran” - 2,608
375. AZAL - 1,608
375. “Simurq” – 1,608

Qeyd edək ki, cədvələ İspaniya “Barselona”sı başçılıq edir - 134,405 xal. Almaniya “Bavariya”sı 114,680, İngiltərə təmsilçisi “Mançester Yunayted” 113,764 xalla ilk “3-lüy”ü tamamlayır.