“Xəzər Lənkəran”ın legionerləri Robert Alvizlə Sadio Tounkara Avroliqada Polşanın “Lex” klubu ilə cavab oyununda meydana çıxa biləcəklər. Peşəkar Futbol Liqasının rəsmisi Məlik Həsənov apasport.az saytına açıqlamasında Lənkərandakı matçda turnirdə 2-ci sarı vərəqələrini alan bu futbolçuların cəzalı duruma düşmədiklərini bildirib. Belə ki, bunadək avrokuboklarda 2 sarı vərəqə alan futbolçu cəzalı olurdusa, indi vəziyyət fərqlidir: “UEFA-nın reqlamentində vərəqələrlə bağlı dəyişiklik edilib. Belə ki, daha 2 sarı vərəqə futbolçu növbəti oyunu buraxmalı olmur. Artıq təsnifat mərhələsində 3 sarı vərəqə alan futbolçu cəzalı olur. Növbəti cəza 5-ci sarı vərəqədən sonradır. Qrup mərhələsində də 3-cü, 5-ci, 7-ci və 9-cu sarı vərəqədən sonra futbolçu növbəti matçı buraxmalıdır”.

• “Lill”in futbolçusu “Beşiktaş”ın radarında
• PSJ-nin qolkiperi zədəsini sağaldıb
• La Liqa klubunun heyətində ciddi itki - MÖVSÜMÜ BAŞA VURDU
• DÇ-2026: BRAZİLİYA MİLLİSİNİN HEYƏTİ AÇIQLANDI
• Dembele ən yaxşı seçildi