Avroliqada “Xəzər Lənkəran”ın rəqibi olan “Lex” qapıçısı Jasmin Buriçlə yeni müqavilə imzalayıb. Apasport.az saytının məlumatına görə, Lənkərandakı səfər matçında 90 dəqiqə dayanan qapıçı ilə anlaşma 4 illik uzadılıb. Bununla da qapıçı 54 oyun keçirdiyi “Lex”in lənkəranlılarla iyulun 26-da evdəki cavab matçı öncəsi böyük stimul alıb.

Poznan klubunun Direktorlar Şurasının üzvü Petr Rutkovski Jasminin 2009-cu ildən komandada olduğu müddətdə münasibətindən razı qaldığını bildirib: “O, təcrübəli qapıçımız Kşiştof Kotorovski ilə rəqabət aparır və məşqlərdə gərgin əmək sərf edir. Busmin öz ustalıq səviyyəsini artırmaq üçün hər şey edir. Buna görə də onunla müqaviləni 4 illiyə artırmağa qərar verdik”.

• “Lill”in futbolçusu “Beşiktaş”ın radarında
• PSJ-nin qolkiperi zədəsini sağaldıb
• La Liqa klubunun heyətində ciddi itki - MÖVSÜMÜ BAŞA VURDU
• DÇ-2026: BRAZİLİYA MİLLİSİNİN HEYƏTİ AÇIQLANDI
• Dembele ən yaxşı seçildi