Premyer Liqa: Teleböhran davam edir

03.08.2012 - 22:24

Sabah start götürəcək Premyer Liqanın ilk turunun qarşılaşmaları televiziya vasitəsilə canlı yayınlanmayacaq. Bu barədə apasport.az saytına Peşəkar Futbol Liqasının mətbuat xidmətinin rəhbəri Aslan Şahgəldiyev məlumat verib.

Onun sözlərinə görə, sözügedən məsələ ilə bağlı hələlik heç bir telekanalla razılıq əldə olunmayıb: "İlk turun oyunları böyük ehtimalla televiziya vasitəsilə canlı yayınlanmayacaq. Çempionat start götürür, ancaq hələ də heç bir telekanalla razılıq əldə olunmayıb. Bu isə o deməkdi ki, birinci turun matçlarının canlı yayını baş tutmayacaq".

Şahgəldiyevin sözlərinə görə, oyunlar PFL-in rəsmi saytı vasitəsilə azarkeşlərə canlı təqdim olunacaq.