FİFA milli komandaların növbəti reytinq cədvəlini açıqlayıb. Apasport.az saytının məlumatına görə, Azərbaycan yığması ötən ayla müqayisədə mövqeyini dəyişməyib.

Belə ki, millimiz 308 xalla dünyada 108-ci, Avropada 43-cü pillədə qərarlaşıb.

Yığmamızın növbəti seçmə mərhələdəki rəqiblərindən Portuqaliya (5-ci yer, 1213 xal), İsrail (82-ci yer, 427 xal) və Lüksemburq (110-cu yer, 303 xal) milliləri də yerlərində qalıblar.

Hesabında 1016 xal olan Rusiya millisi 2 pillə irəliləyərək, 11-ci yerə qalxıb. Şimali İrlandiya 336 xalla 1 pillə yüksələrək, 101-ci yerdə qərarlaşıb. 735 xalı olan Türkiyə 1 pillə geriləyərək, 30-cu yerə düşüb. Millimizin avqustun 15-də Bakıda yoldaşlıq görüşü keçirəcəyi Bəhreyn isə 331 xalla 1 pillə irəliləyərək, 102-ci yerdədir.

İlk 2 pillənin sahibi İspaniya (1605 xal) və Almaniya (1474) yığmaları mövqelərində qalıb. Hesabında 1294 xal olan İngiltərə millisi 1 pillə irəliləməyi nəticəsində 3-cü yerə qalxıb.

• Salaha Avropadan ən yaxşı təklifi “Beşiktaş” edib – Qərar gözlənilir
• "Real Madrid" Rodri üçün hərəkətə keçdi – "Mançester Siti" ilə danışıqlar başladı
• Uğurcan Çakır: "Ən çətin qərarım "Trabzonspor"dan ayrılmaq idi"
• “Arsenal” istəyir, “Real” buraxmır – Vinisiusla yeni müqavilə imzalanacaq
• Kasper Hö “Seltik”də – 5 illik müqavilə