Elxan Məmmədov FİFA-nın seminarının iştirakçıları ilə görüşüb

08.08.2012 - 16:58

Bu gün AFFA-nın baş katibi Elxan Məmmədov FİFA-nın Bakıda keçirdiyi seminarın iştirakçıları ilə görüşüb. Apasport.az saytının məlumatına görə, avqustun 7-dən paytaxtımızda FİFA və AFFA-nın birgə təşkilatçılığı ilə qadın futbolu üzrə məşqçilər üçün seminar keçirilir. FİFA təlimatçısı Vera Pouvun rəhbərliyi ilə AFFA-nın Futbol Akademiyasında keçirilən məşğələlərdə U-17 UNICEF qızlar Liqası və U-15 qızlar Liqasında mübarizə aparan komandaların məşqçiləri iştirak edir. Məmmədov seminar iştirakçıları ilə görüşündə müvafiq tövsiyələrini verərək, onlara uğurlar arzulayıb.

Mənbə: affa.az