Gili Landau: İlk yarıda “Neftçi”, ikincidə biz daha yaxşı oynadıq

08.08.2012 - 22:14

“Oyuna düşündüyümüz kimi başladıq”. Apasport.az saytının xəbərinə görə, bunu “Hapoel” klubunun baş məşqçisi Gili Landau deyib.

Çempionlar Liqasının III təsnifat mərhələsinin “Neftçi” ilə cavab oyunundan sonra fikirlərini açıqlayan İsrail təmsilçisinin çalışdırıcısı bildirib ki, komandası süni örtüklü meydana öyrəşməyib: “Düzdü, rəqib yaxşı komanda idi. İlk yarıda “Neftçi” yaxşı oynadı. Amma biz ikinci hissədə daha yaxşı çıxış etdik. “Neftçi” ikinci qolu vurandan sonra ruhdan düşmədik. Qonaqpərvərliyinə görə çox sag olun”ş

Xatırladaq ki, ötən həftə öz meydanında “Neftçi” üzərində 4:0 hesablı qələbə qazanan “Hapoel” Bakıdakı qarşılaşmadan sülhlə ayrılıb – 2:2.