Ukrayna klubunun futbolçusu Azərbaycan yığmasında

14.08.2012 - 17:19

19 yaşadək futbolçulardan ibarət Azərbaycan millisinin heyəti açıqlanıb. Apasport.az saytının məlumatına görə, avqustun 16-dan 24-dək Moldovanın paytaxtı Kişinyovda keçiriləcək təlim-məşq toplanışına 21 futbolçu çağırılıb.

Baş məşqçi Vəli Qasımov yerli klublarla yanaşı Rusiya, Ukrayna və Almaniyadan da oyunçu dəvət edib. Bunlar Tərlan Əhmədli ("Rəvan"), Eyyub Əliyev ("Simurq"), Rəşad Əzizov ("Neftçi"), Kamal Mirzəyev, Sadiq Quliyev (hər ikisi "Qəbələ"), Azər Salahlı, Coşqun Diniyev, Fuad Bayramov (hamısı "İnter"), Şamil Cəmallədinov, Orxan Əliyev, Ruslan Nəsirli (hamısı “Sumqayıt”), Samir Yusifov (klubsuz), Namiq Ələskərov, Raul Yaqubzadə (hər ikisi "Bakı"), Valeh Eyvazlı ("Spartak", Rusiya), Bayram Budaqov ("Dnepr", Ukrayna), Taşkın İlter ("Türkiyəm Spor", Almaniya), Eldar Cankişiyev ("Anji", Rusiya), Hasan Dəmir ("Frankfurt", Almaniya), Elşən Abdullayev ("Neftçi") və Aydın Mustafazadədir ("Lokomotiv").