“Kəpəz” klubunun baş məşqçisi Fuad İsmayılov istefa verib. Bu haqda apasport.az saytına klubun mətbuat xidmətindən bildirilib.

İstefasıyla bağlı açıqlama verən İsmayılov deyib: “Mən otuz ilə yaxındır bütün güc və qüvvəmi Gəncə futbolunun inkişafına sərf edirəm. Həmişə də çalışmışam ki, öz bilik və bacarığımla doğma şəhərim üçün nə isə edim. Sonuncu dəfə “Kəpəz”ə baş məşqçi təyin olunanda da komandanı ən güclülərdən etməyə çalışırdım. Amma mən istədiyim nəticəni əldə edə bilmədiyim üçün istefa verməyi qərara aldım”. O bildirib ki, bundan sonra da Gəncə futbolunun günü-gündən inkişaf etməsi üçün çalışacaq.

“Ümid edirəm ki, müxtəlif illərdə böyük məşqçilik təcrübəsi qazanmış bir mütəxəssis işsiz qalmaz. Mən yenə də böyük həvəslə şəhərimizin futbolunun yüksəlməsi üçün əlimdən gələni etməyə hazıram” - deyə Fuad İsmayılov bildirib.

• Vlahoviç "Milan"ın hədəfində
• DÇ-2026: İsveç millisinin HEYƏTİ BƏLLİ OLDU
• "Qalatasaray" "Liverpul"un kapitanı ilə maraqlanır
• "Real"ın sabiq üzvü karyerasını sonlandıracaq - DÇ-dən sonra
• Advokat yenidən Kuraçao millisində - RƏSMİ