“Neftçi” və rekordçular

03.09.2012 - 13:00

Beynəlxalq Futbol Tarixi və Statistikaları Federasiyası (İFFHS) bu gün klubların yeni reytinq cədvəlini açıqlayıb. Apasport.az saytının məlumatına görə, siyahıda fantastik sıçrayışa imza atan komandalar da yer alıb.

Ötən ay planetin 566-cısı olan, indi 305-ci pilləyə yüksələn “Neftçi” 261 pilləlik inkişafa nail olub. Lakin bu ayın rekordçusu olmağa imkan verməyib.

Belə ki, İFFHS son reytinqdə ən azı 300 pillə irəliləyən komandaların da siyahısını açıqlayıb. Bura düşmək üçün 39 addımı çatmayan bakılılardan fərqli 6 klub bunu bacarıb.

Ən böyük inkişafa nail olan klublar

“Mineros” (Venesuela) – 331 (694-dən 363-ə)
“Rapid” (Avstriya) – 320 (634-dən 314-ə)
“Tromse” (Norveç) – 311 (510-dan 199-a)
“Milyonarios” (Kolumbiya) – 305 (435-dən 130-a)
“San Pedro” (Fil Dişi Sahili) – 300 (738-dən 438-ə)
“Leopard” (Konqo) – 292 (718-dən 426-ya)