Avropa çempionatında tarix yazanlar

Avropa çempionatında tarix yazanlar - STATİSTİKA

17.09.2012 - 12:26

Qadın voleybolçular arasında Avropa çempionatının II təsnifat mərhələsinin ən yaxşılarının adları açıqlanıb. Apasport.az saytının məlumatına görə, Azərbaycan millisinin finala yüksəldiyi qrup oyunlarında 3 voleybolçumuz ilk “3-lük”də yer alıb.

Belə ki, Faiq Qarayevin yetirmələrindən ən yaxşı nəticəyə Odina Əliyeva imza atıb. O, topu oyuna daxil etmədə 2-ci yeri tutub. Universal oyunçumuz komandamıza mübarizəsiz 14 xal qazandırıb.

Ondan başqa, Natalya Məmmədova və Natəvan Qasımova cəmi 2 rəqibindən geri qalıb. Hücumçumuz bombardirlər siyahısında 99 xal toplayıb. O, bu siyahıda “Lokomotiv”in yeni transferləri - israilli Tatyana Artmenko və çexiyalı Aneta Havlikovadan az xal yığıb. Buna səbəb isə hər 2 voleybolçunun Natalyadan çox meydanda olması ilə bağlıdır.

Kapitanımız Oksana Parxomenkonun zədə səbəbindən oynamaması və buna görə həm toppaylayıcılıqda, həm də məhz kapitanlıqda onu əvəzləyən Natəvan Qasımova da ilk “3-lük”də qərarlaşıb. İstedadlı oyunçumuz 48,08 faiz nəticə göstərib. Onu qabaqlayanlar arasında da “Lokomotiv”in voleybolçusu Olqa Palçevskaya var.

Bu oyunçularla yanaşı, əsas millimizin heyətində Ayşən Abduləzimovanın da özünü yaxşı tərəfdən göstərməyi bacarıb. İlk dəfə olaraq, belə mötəbər yarışda meydana çıxan 19 yaşlı həmyerlimiz ən yaxşı blokçular arasında 7-ci yeri tutub.

Azərbaycan klublarında forma geyinən voleybolçulara gəlincə, bombardirlik mübarizəsində 2-ci olan Havlikova topu oyuna daxil etmədə 3-cü yeri tutub. “Azərreyl”in yeni transferi Debbi Stam-Pilon isə top qəbul etmədə 2 yerdə qərarlaşıb.

Qeyd edək ki, 6 oyunun hamısında qələbə qazanan Azərbaycan yığması 1 set də olsa belə uduzmadan birbaşa final mərhələsinə vəsiqə qazanıb.

Ən çox xal toplayan

	Ölkə	Oyun sayı	Set sayı	Topladığı xal
1. Tatyana Artmenko	İsrail	6	22	112
2. Aneta Havlikova	Çexiya	6	23	105
3. Natalya Məmmədova	Azərbaycan	6	18	99
...8. Odina Əliyeva	Azərbaycan	6	18	90

Ən yaxşı blokçular

	Ölkə	Oyun sayı	Set sayı	Topladığı xal
1. Natalya Çrkonova	Slovakiya	6	23	22
2. Esteban Korrea	İspaniya	6	24	21
3. Straşimira Filipova	Bolqarıstan	6	22	20
...7. Ayşən Abduləzimova	Azərbaycan	6	18	16

Ən yaxşı top qəbul edənlər

	Ölkə	Oyun sayı	Set sayı	Düzgün qəbul (faizlə)
1. Mira Topiç	Xorvatiya	6	17	48,89
2. Debbi Stam-Pilon	Hollandiya	5	16	42,70
3. Diana Sançez	İspaniya	6	25	42,45
...8. Valeriya Korotenko	Azərbaycan	6	18	40,95

Topu oyuna ən yaxşı daxil edənlər

	Ölkə	Oyun sayı	Set sayı	Topladığı xal
1. Sofiya Manitarou	Kipr	6	18	15
2. Odina Əliyeva	Azərbaycan	6	18	14
3. Aneta Havlikova	Çexiya	6	23	13

Ən yaxşı toppaylayıcılar

	Ölkə	Oyun sayı	Set sayı	Əla ötürmə (faizlə)
1. Leyla Tuyfua	Fransa	6	14	50,00
2. Olqa Palçevskaya	Belarus	5	14	49,41
3. Natəvan Qasımova	Azərbaycan	6	18	48,08