Julius Vobay: “Xəzər Lənkəran” əvvəlki kimi güclü deyil - MÜSAHİBƏ
17.09.2012 - 13:16
“Neftçi” klubunun yarımmüdafiəçisi Julius Vobayın apasport.az saytına müsahibəsi
- Öncə “Xəzər Lənkəran”la görüş barədə fikirlərinizi bildirərdiniz...
- Adi oyun idi. Digər oyunlara necə, buna da eyni cür hazırlaşmışdıq. Təbii ki, qələbə qazanmaq istəyirdik və buna da nail olduq.
- Sabiq komandanızla qarşılaşmada hansısa həyəcan var idimi?
- “Xəzər Lənkəran”ın sabiq komandam olmasının heç bir əhəmiyyəti yoxdur. Keçmişə deyil, gələcəyə baxmalıyıq. Bu gün “Neftçi”nin formasını geyinirəm.
- İkili mübarizələr zamanı keçmiş komanda yoldaşlarınıza güzəştə gedirdinizmi?
- Meydana çıxanda belə şeyləri düşünmürük. Həm də, kimsə kimisə qəsdən zədələməz. Təbii ki, bizim kimi rəqib də qələbə qazanmaq istəyirdi. Ona görə onlar da sona qədər mübarizə apardılar.
- “Xəzər Lənkəran” əvvəlki kimi güclüdürmü?
- Onların oyununu izləmirəm, ona görə də heç nə deyə bilmərəm.
- Ən azı “Neftçi” ilə matçda nəyə qadir olduğunu gördünüz?
- Bu haqda ətraflı danışmaq istəmirəm. Onu deyə bilərəm ki, “Xəzər Lənkəran” əvvəlki kimi güclü deyil. Əvvəl daha yaxşı oynayırdı.
- 3 gündən sonra Avropa Liqasının qrup mərhələsinin oyunları start götürəcək. “Neftçi” necə start verəcək?
- Çalışacağıq ki, oyunlarda maksimum xal yığaq. Səfərə 3 xal qazanmaq üçün yollanacağıq.
- “Partizan”ın oyununu izləmisinizmi? Ümumiyyətlə, Serbiya futbolu haqda nə bilirsiz?
- Təbii ki, heç bir komanda məğlub olmaq haqda düşünmür. Amma onlar evdə oynayacaqlarına görə, çox çətin olacaq. Rəqib meydan amilinə görə, cüzi də olsa üstünlüyə malikdir.
- Qrupu necə dəyərləndirirsiz? “Neftçi” nəyə ümid edə bilər?
- Əlbəttə, qrupun favoriti “İnter”dir. Biz də çalışacağıq ki, hər oyunda aktivimizə xallar yazdıraq və ən yaxşı oyunumuzu göstərək.
- İlk dəfə olaraq “Neftçi” Avropa Liqasının qrup mərhələsindəki rəqiblərini Tofiq Bəhramov adına Respublika stadionunda qəbul edəcək. Bu da 30 mindən artıq azarkeş dəstəyi deməkdir. “İnter”lə oyunda bunun “Neftçi”yə köməyi dəyəcəkmi?
- Təmirdən sonra Respublika stadionu çox dəyişib. Həmin arenada oynamağımızın müsbət təsiri olacaq. Ən azı normal bir qazonda çıxış edəcəyik. Bunun özü bir faktordur. Üstəlik, azarkeş dəstəyi də lehimizə olacaq.
- Öncə “Xəzər Lənkəran”la görüş barədə fikirlərinizi bildirərdiniz...
- Adi oyun idi. Digər oyunlara necə, buna da eyni cür hazırlaşmışdıq. Təbii ki, qələbə qazanmaq istəyirdik və buna da nail olduq.
- Sabiq komandanızla qarşılaşmada hansısa həyəcan var idimi?
- “Xəzər Lənkəran”ın sabiq komandam olmasının heç bir əhəmiyyəti yoxdur. Keçmişə deyil, gələcəyə baxmalıyıq. Bu gün “Neftçi”nin formasını geyinirəm.
- İkili mübarizələr zamanı keçmiş komanda yoldaşlarınıza güzəştə gedirdinizmi?
- Meydana çıxanda belə şeyləri düşünmürük. Həm də, kimsə kimisə qəsdən zədələməz. Təbii ki, bizim kimi rəqib də qələbə qazanmaq istəyirdi. Ona görə onlar da sona qədər mübarizə apardılar.
- “Xəzər Lənkəran” əvvəlki kimi güclüdürmü?
- Onların oyununu izləmirəm, ona görə də heç nə deyə bilmərəm.
- Ən azı “Neftçi” ilə matçda nəyə qadir olduğunu gördünüz?
- Bu haqda ətraflı danışmaq istəmirəm. Onu deyə bilərəm ki, “Xəzər Lənkəran” əvvəlki kimi güclü deyil. Əvvəl daha yaxşı oynayırdı.
- 3 gündən sonra Avropa Liqasının qrup mərhələsinin oyunları start götürəcək. “Neftçi” necə start verəcək?
- Çalışacağıq ki, oyunlarda maksimum xal yığaq. Səfərə 3 xal qazanmaq üçün yollanacağıq.
- “Partizan”ın oyununu izləmisinizmi? Ümumiyyətlə, Serbiya futbolu haqda nə bilirsiz?
- Təbii ki, heç bir komanda məğlub olmaq haqda düşünmür. Amma onlar evdə oynayacaqlarına görə, çox çətin olacaq. Rəqib meydan amilinə görə, cüzi də olsa üstünlüyə malikdir.
- Qrupu necə dəyərləndirirsiz? “Neftçi” nəyə ümid edə bilər?
- Əlbəttə, qrupun favoriti “İnter”dir. Biz də çalışacağıq ki, hər oyunda aktivimizə xallar yazdıraq və ən yaxşı oyunumuzu göstərək.
- İlk dəfə olaraq “Neftçi” Avropa Liqasının qrup mərhələsindəki rəqiblərini Tofiq Bəhramov adına Respublika stadionunda qəbul edəcək. Bu da 30 mindən artıq azarkeş dəstəyi deməkdir. “İnter”lə oyunda bunun “Neftçi”yə köməyi dəyəcəkmi?
- Təmirdən sonra Respublika stadionu çox dəyişib. Həmin arenada oynamağımızın müsbət təsiri olacaq. Ən azı normal bir qazonda çıxış edəcəyik. Bunun özü bir faktordur. Üstəlik, azarkeş dəstəyi də lehimizə olacaq.
Oxşar xəbərlər
Ana səhifə
Bütün xəbərlər