"Xəzər Lənkəran" qarşıdakı 2 ev oyununu Sumqayıtdakı Mehdi Hüseynzadə adına stadionda keçirəcək. Apasport.az-ın klubun rəsmi saytına istinadən məlumatına görə, buna səbəb Azərbaycanda U-17 qızlar arasında keçiriləcək dünya çempionatının bir neçə oyununun Lənkəran Şəhər Mərkəzi stadionuna salınmasıdır.

Həmin oyunlardan birincisi IV turdan təxirə salınmış "Xəzər Lənkəran" - "Simurq" görüşüdür. Bu matç sentyabrın 20-də saat 17:00-da keçiriləcək. Həmin qarşılaşmanın Zaqatalada – “Simurq”un meydanında keçiriləcəyi gözlənilsə də, son anda şimallılar matça meydan sahibliyi etməyəcəyi dəqiqləşib.

Bu matç Sumqayıtdakı stadionda baş tutacaq. Premyer Liqanın VI turu çərçivəsində "Xəzər Lənkəran" - "Bakı" qarşılaşması da sentyabrın 25-də həmin məkanda və eyni vaxtda keçiriləcək.

• Lidholmun ideal "11-liyi" - Barezi, Barezi, Barezi...
• "Real Madrid" Mastantuono ilə bağlı qərar verdi - Argentinalı göndəriləcək
• 64 komandalı dünya çempionatı: FİFA işlərə start verdi
• "Arsenal"dan 90 milyon avroluq transfer - "Nyukasl"ın ulduzu yoldadır
• İnfantinonun müşaviri istefa verdi - Dünya çempionatının satılmasına etiraz etdi