“Partizan”da ad günü

19.09.2012 - 12:07

Avropa Liqasının qrup mərhələsinin ilk turu çərçivəsində baş tutacaq “Partizan” – “Neftçi” oyunu meydan sahibləri üçün əlamətdar hadisə ilə üst-üstə düşəcək. Apasport.az saytının məlumatına görə, Belqradda baş tutacaq oyun günü serbiyalıların düşərgəsində ad günü olacaq.

“Partizan”ın təcrübəli qapıçısı Radişa İliç sabah keçiriləcək qarşılaşma zamanı 35 illik yubileyini qeyd edəcək. Vaxtilə Serbiya yığmasında oynamış qolkiperin bu matçda meydana çıxacağı inandırıcı görünmür. Çünki hazırda daha çox komandasının 3-cü qapıçısı sayılır. Lakin o, “Partizan”ın qələbəsi ilə yubileyini birlikdə qeyd etmək arzusundadır.